CBSE શાળાઓમાં ધોરણ 6, 9 અને 11માં ક્રેડિટ સિસ્ટમ: કેન્દ્રીય માધ્યમિક શિક્ષણ બોર્ડ (CBSE) શૈક્ષણિક વર્ષ 2024-25થી ધોરણ 6, 9 અને 11માં ક્રેડિટ સિસ્ટમનો પાયલોટ પ્રોજેક્ટ શરૂ કરવા જઈ રહ્યું છે. આ સિસ્ટમ હેઠળ, વિદ્યાર્થીઓને તેમના શૈક્ષણિક પ્રદર્શનના આધારે ક્રેડિટ આપવામાં આવશે.
CBSE સ્કૂલોમાં નવા નિયમ લાગુ
- ક્રેડિટ સિસ્ટમ: વિદ્યાર્થીઓને તેમના શૈક્ષણિક પ્રદર્શનના આધારે ક્રેડિટ આપવામાં આવશે. દરેક વિષય માટે 7 ક્રેડિટ ફાળવવામાં આવશે.
- પરીક્ષા અને મૂલ્યાંકન: તમામ વિષયોમાં પરીક્ષા પાસ કર્યા પછી જ ક્રેડિટ આપવામાં આવશે. આખા વર્ષ દરમિયાન વર્ગમાં 75% હાજરી ફરજિયાત રહેશે. આંતરિક મૂલ્યાંકન પણ ક્રેડિટ માટે ગણતરીમાં લેવામાં આવશે.
- કુલ ક્રેડિટ: ધોરણ 9માં, પાંચ ફરજિયાત વિષયો પાસ કરવા પર વિદ્યાર્થી 40 ક્રેડિટ માટે પાત્ર બનશે. જો વિદ્યાર્થી 6ઠ્ઠો અને 7મો વિષય લે છે તો તેની ક્રેડિટ 47-54 હશે. ધોરણ 11માં, એક ભાષા અને ચાર વિષયો પાસ કરનાર 40 ક્રેડિટ મેળવવાને પાત્ર રહેશે. છઠ્ઠો વિષય લેનાર વિદ્યાર્થી 47 ક્રેડિટ મેળવી શકશે.
- શૈક્ષણિક બેંક ઓફ ક્રેડિટ: વિદ્યાર્થી જે ક્રેડિટ મેળવે છે તે એકેડેમિક બેંક ઓફ ક્રેડિટમાં ઉમેરવામાં આવશે. આ ક્રેડિટ ભવિષ્યના શૈક્ષણિક અને વ્યાવસાયિક તકો માટે મદદરૂપ થઈ શકે છે.
ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા જાહેરાત, ધોરણ 10 નું પરિણામ જાહેર
CBSE આ સિસ્ટમનો અમલ કેવી રીતે કરશે:
CBSE શાળાઓને આ સિસ્ટમનો ભાગ બનવા આમંત્રણ આપ્યું છે. બોર્ડે નેશનલ ક્રેડિટ ફ્રેમવર્ક માટે માર્ગદર્શિકા તૈયાર કરી છે અને તેને લગતી અનેક વર્કશોપ યોજી છે. બોર્ડ જાગૃતિ સત્રો અને કાઉન્સેલિંગ કાર્યક્રમોનું આયોજન કરશે અને પાયલોટ પ્રોગ્રામમાં ભાગ લેનારી શાળાઓને માર્ગદર્શન આપશે.
મારા વિશે જાણો...
હેલો મિત્રો મારુ નામ HUM છે. મને ભારત અને રાજ્ય સરકારો દ્વારા લાગુ કરવામાં આવતી વિવિધ પરીક્ષાઓ, મહત્વપૂર્ણ યોજનાઓ અને ફાયનાન્સ વિશેની માહિતી ગુજરાતી ભાષામાં લખવી ગમે છે. હું ઓફિસિયલ વેબસાઈટ પરથી માહિતી એકત્ર કરીને વિવિધ માહિતી મેળવ્યા પછી જ લેખ લખું છું. જો તમને મારા દ્વારા લખાયેલો આર્ટિકલ ગમ્યો હોય તો તમે તેને તમારા મિત્રો સાથે પણ શેર કરી શકો છો.